Page 111 - Dârülmülk Konya Dergisi 2024 5. Sayı

İ.DH. 693-48454
Atûfetlü efendim hazretleri
Haremeyn hazînesinden mazbut evkâfdan
Konya’da vâki‘ Şeyh Sadreddin-i Konevî
hazretlerinin hasbe’l-lüzûm ta‘mîrine
mübâşeret olunmuş olan câmi‘i için sarfı
lâzım gelen yirmi iki bin sekiz yüz otuz
beş guruşdan on beş bin yüz seksen yedi
guruşunun bazı nukûd-ı mevkûfeden ve
kusûr yedi bin altı yüz kırk sekiz guruşunun
dahi mezbûr vakfın doksan senesi bedelinden
i‘tâsı istîzânına dâir Evkâf-ı Hümâyûn
Nezâret-i Celîlesi’nin takrîri leffen arz
ve takdîm kılınmağla mûcebince îfâ-yı
muktezâsının nezâret-i müşârunileyhâya
havâlesi hakkında irâde-i seniyye-i cenâb-ı
cihanbânî her ne sûretle müte‘allik ve şeref-
sudûr buyurulur ise mantûk-ı münîfi infâz
edileceği beyânıyla tezkire-i senâverî terkîm
olundu efendim.
Fî 6 ZA sene 1291
Ma‘rûz-ı çâker-i kemîneleridir ki
Resîde-i dest-i ta‘zîm olan işbu tezkire-i sâmiye-i
âsafâneleriyle zikr olunan takrîr manzûr-ı
âlî-i hazret-i pâdişâhî buyurulmuş ve husûs-ı
mezkûrun ber-mûceb-i istîzân îfâ-yı muktezâsının
nezâret-i müşârun-ileyhâya havâlesi müte‘allik
ve şeref-sudûr buyurulan emir ve irâde-i
seniyye-i hazret-i şehinşâhî mantûk-ı münîfinden
olarak mezkûr tezkire yine savb-ı sâmî-i
sadâretpenâhîlerine i‘âde kılınmış olmağla ol
bâbda emr u fermân hazret-i veliyyü’l-emrindir.
Fî 7 ZA sene 1291

109