Page 117 - Dârülmülk Konya Dergisi 2024 5. Sayı

İ.EV.23-24-2

Bâb-ı Alî
Dâire-i Sadâret
Amedî Dîvân-ı Hümâyûn
1494

Atûfetlü Efendim Hazretleri
Konya’da kâin olup keşfi mûcebince yirmi beş
bin üç yüz altmış beş guruş sarfıyla emâneten
ta‘mîri muktezâ-yı irâde-i seniyye-i cenâb-ı
hilâfetpenâhîden bulunan Şeyh Sadreddin-i
Konevî hazretleri câmi‘-i şerîfinin ikmâli on
sekiz bin dört yüz doksan yedi guruşun daha
sarfına mütevakkıf olduğu mahallinden bâ-
mazbata iş‘âr olunmuş olduğundan meblağ-ı
mezkûrdan i‘âneten cem‘ olunan üç bin
guruş ile akçe farkı bi’t-tenzîl bâkî on dört
bin yedi yüz yirmi iki guruş üç yüz on beş
senesi büdçesi dâhilinde tesviyesi husûsunun
Evkaf-ı Hümâyûn Nezâret-i Celîlesi’ne
havâlesi tezekkür kılındığına dâir Şûrâ-yı
Devlet Maliye Dairesi’nden kaleme alınan
mazbata leffen arz ve takdîm olunmağla ol
bâbda her ne vechile irâde-i seniyye-i cenâb-ı
hilâfetpenâhî müte‘allik ve şeref-sudûr
buyurulur ise mantûk-ı münîfi infâz edileceği beyânıyla tezkire-i senâverî terkîm kılındı
efendim.
Fî 18 Cumâdelûlâ sene 1317 ve fî 12 Eylül sene 1315

Sadrazam
Rıfat
Ma‘rûz-ı çâker-i kemîneleridir ki

Resîde-i dest-i ta‘zîm olup melfûfuyla berâber manzûr-ı âlî buyurulan işbu tezkire-i sâmiye-i
sadâretpenâhîleri üzerine mûcebince irâde-i seniyye-i cenâb-ı hilâfetpenâhî şeref-müte‘allik
buyurulmuş olmağla ol bâbda emr u fermân hazret-i veliyyü’l-emrindir.
Fî 17 Cumâdelâhire sene 1317 ve fî 11 Teşrîn-i evvel sene 1315
Serkâtib-i Hazret-i Şehriyârî
Tahsin

115