Page 118 - Dârülmülk Konya Dergisi 2024 5. Sayı
P. 118
ŞD.149-63
Nezâret-i Evkâf-ı Hümâyûn
Mektûbî Kalemi
Aded: 349
Konya’da kâin olup keşfi mûcebince yirmi beş
bin üç yüz altmış beş guruş sarfıyla emâneten
ta‘mîri muktezâ-yı irâde-i seniyye-i hazret-i
pâdişâhîden olan Şeyh Sadreddin-i Konevî
hazretleri Câmi‘-i şerîfi’nin ikmâli mahallince
tanzîm ve leffen arz ve takdîm kılınan keşif
defteri mûcebince daha on sekiz bin dört
yüz doksan yedi guruşun sarafına mütevakkıf
olduğundan ve bu da câmi‘-i şerîf-i mezkûrun
şimâl cihetinde kâin duvarlarıyla sayfiye
mescidinin garb duvarının toprakdan ma‘mûl
kerpiç ile inşâsında metânet-i matlûbe
bulunamayacağı cihetle mezkûr durvarlar
hâlis harç ile yapılmak ve türbe ve sayfiye
mescidinin döşeme taşlarının noksanı da
ikmâl olunmak maksadına mebnî idüğünden
bahisle icrâ-yı îcâbı mahallinden bâ-mazbata
iş‘âr olunmuş ve sûret-i iş‘âra nazaran mezkûr
on sekiz bin küsür guruşun sarfı lüzûm-ı
sahîha müstenid bulunmuş olduğundan
ta‘mîrât-ı mezkûrenin keşfinden noksânıyla
ve kemâl-i metânet ve rasânetle vücûda getirilmeğe sa‘y ve gayret olunmak üzere
komisyon-ı mahsûs ma‘rifetiyle ikmâli için zikr olunan on sekiz bin dört yüz doksan
yedi guruşdan hamiyyetmendân ahâlî taraflarından i‘âneten cem‘ olunduğu cümle-i
iş‘ârâtdan olan üç bin guruş ile akçe farkı bi’t-tenzîl bâkî on dört bin yedi yüz yirmi
iki guruşun üç yüz on beş senesi büdçesi dâhilinde sarfına me’zûniyet i‘tâsı zımnında
keyfiyetin huzûr-ı sâmî-i cenâb-ı sadâretpenâhîlerine arzı masârıfât idâresinden ifâde
olunmağın ol bâbda emr u fermân hazret-i veliyyü’l-emrindir.
Fî 2 Rebî‘u’l-âhir sene 1317 ve fî 28 Temmuz sene 1315
Nâzır-ı Evkâf-ı Hümâyûn
Abdullah Galib
116